Ромб е вид четириаголник кој има:
- Четири еднакви страни
- Две по две паралелни спротивни страни
- Два по два еднакви спротивни агли
Ромбот често асоцира на квадрат поради еднаквоста на сите четири страни и кај првата и кај втората геометриска фигура. Разликата е во тоа што ромбот нема прави агли како квадратот!
![Romb](https://www.matematikazasite.com/wp-content/uploads/2022/10/Romb.jpg)
Периметар
Периметар на ромб се пресметува на идентичен начин како при пресметката на обиколката кај квадрат.
Формулата за пресметување на периметар на ромб гласи:
![Формула за периметар на ромб](https://www.matematikazasite.com/wp-content/uploads/2022/09/Формула-за-периметар-на-квадрат.jpg)
Истата формула претставена како производ на два броеви гласи:
![Formula za perimetar na romb](https://www.matematikazasite.com/wp-content/uploads/2022/09/Формула-за-пресметување-на-периметар-на-квадрат.jpg)
Пример број еден: Пресметај го периметарот на ромб кој има страна со должина 7 центиметри (должината на било која страна на ромбот е 7 центиметри затоа што ромбот има четири еднакви страни).
а) Доволно е вредноста на должината на страната од 7cm да ја собереме сама со себе 4 пати: L=7cm+7cm+7cm+7cm
б) Доволно е вредноста на должината на страната од 7cm да ја помножиме со 4.
Периметарот на ромбот од пример број еден изнесува 28 центиметри!
Плоштина на ромб
Прв метод: Плоштина на ромб може да се пресмета со формулата:
![Плоштина на ромб](https://www.matematikazasite.com/wp-content/uploads/2022/09/Плоштина-на-ромб.jpg)
Во формулата со h се означува висината на ромбот. Доколку вредностите за должините на страната на ромбот и неговата висина се познати, за да пресметаме негова плоштина доволно е овие две вредности да ги помножиме меѓусебе.
Пример број два: Пресметај ја плоштината на ромб со страна 5cm, ако должината на неговата висина изнесува 4cm.
При пресметката доволно е да помножиме 5cm со 4cm. Плоштината на ромбот од вториот пример изнаесува 20 центиметри квадратни.
Втор метод: Плоштината на ромб може да се пресмета на втор начин со помош на формулата:
![Плоштина на ромб преку неговите дијагонали](https://www.matematikazasite.com/wp-content/uploads/2022/09/Плоштина-на-ромб-преку-неговите-дијагонали.jpg)
Втората формула за пресметување на плоштината на ромбот се користи ако во одредена ситуација се познати двете дијагонали на ромбот.
Пример број три: Одреди ја површината на ромб чии должини на дијагоналите изнесуваат 5cm и 7cm.
За да се одреди точниот резултат доволно е да се одреди производот на двете дијагонали, т.е 5cm и 7cm и на крај се дели со бројот 2.
Плоштината на ромбот од третиот пример изнесува 17,5 центиметри квадратни!
Следете ги информациите и материјалите кои ќе бидат објавени во иднина со поврзување на профилите на www.matematikazasite.com профилите на Facebook, Instagram, Twitter и Youtube со користење на копчињата подолу.
Tags: Периметар на ромб, Плоштина на ромб, Ромб, Формула
Pingback: Ромбоид
Pingback: Паралелограм